English
مسار تعلم البرمجة

تعلم C++ خطوة خطوة، من الصفر

شرح بسيط هون على الموقع لكل فكرة، مثال عملي، وتحدي صغير. بتقدر تبدأ حتى لو ما بتعرف إشي عن الكمبيوتر.

الخطة بتغطي مواضيع مساق البرمجة وزيادة، بس مش لازم تمشي على سرعة المحاضرات. خذ وقتك وافهم وطبق.

مواضيع المساق كاملة + تدريب زيادة

المرحلة 01 / 21قبل البرمجة · من مواضيع المساق: Introduction

شو هو الكمبيوتر أصلا؟

افهم شو بصير داخل الجهاز قبل ما تكتب أول سطر.

شو رح تفهم؟

تعرف تشرح الفرق بين القطع الملموسة والبرامج، وشو بعمل المعالج والذاكرة.

افهم الفكرة

01ابدأ بفكرة بسيطة: الكمبيوتر بياخد مدخلات وبنفذ تعليمات وبطلع نتيجة.

02المعالج بينفذ التعليمات، والذاكرة بتحفظ بيانات البرنامج خلال تشغيله.

جرب تفهم قبل ما تكمل

أي وحدة من هذول Software؟

جرب بنفسك

اختار أي جهاز عندك. احكي لنفسك شو القطع اللي فيه، وشو البرامج اللي بتتحكم فيه.

قبل ما تكمل

لحتى تعتبر المرحلة مكتملة، جاوب صح وطبق التمرين وعلم على الخطوتين.

مصادر إضافية إذا احتجت فقط

ما بتحتاج تفتح أي موقع شرح عشان تخلص الدرس. هاي المصادر للمساعدة لما تعلق.

01كيف الكمبيوتر بشتغل؟How Computers Work — البداية02القطع والبرامجHow Computers Work — Hardware & Software

كيف تدرس بدون ما تضيع؟

  1. احضر جزء صغير من الشرح، وبعده سكّر الفيديو واكتب المثال من ذاكرتك.
  2. غير قيمة أو شرط بالكود، وتوقع شو رح يطلع قبل ما تشغله.
  3. إذا ما زبط، اقرأ رسالة الخطأ وجرب تعرف بأي سطر المشكلة. عادي تغلط.
  4. إذا فهمت المثال، حل التحدي لحالك. ما تستعجل على الدروس المتقدمة.

وبعد أول مشروع؟

كمل على LearnCpp لمواضيع زي المراجع والـ pointers والـ structs والـ classes والـ vector. تعلم Git وGitHub لما يصير عندك مشاريع تحفظها وتشاركها. مش مطلوب كل هذا بأول أسبوع.

حبيت تتعمق أكثر؟ (اختياري)

ما بتحتاج تفتح أي موقع شرح عشان تخلص الدرس. هاي المصادر للمساعدة لما تعلق.

LearnCpp.com learn-cpp.org